Duke trajtuar temën “Komunikimi dhe Zgjidhja e konflikteve në vendin e punës”,  ndërmjet materialeve të tjera, më beri përshtypje ky artikull nga Mike Myatt, të cilin mendova ta ndajmë sëbashku. Lexim të këndshëm!

Kështu janë gjërat - drejtimi dhe konflikti shkojnë së bashku. Të drejtosh, do të thotë të kesh kontakte të vazhdueshme, dhe në qoftë se ju nuk mundeni, ose nuk do ta trajtoni konfliktin në mënyrë të shëndetshme e produktive, ju nuk duhet të jeni në një rol drejtuesi. Nga këndvështrimi im, çështjet që rrethojnë zgjidhjen e konflikteve mund të përmblidhen në respektimin e shprehjes: "Mos ki frikë konfliktin; përqafoje atë - kjo është puna juaj”. Ndërsa mund të provoni dhe të shmangni konfliktin (ide jo e mirë), ju nuk mund t'i shpëtoni konfliktit. Fakti që konflikti do të ndodhë në vendin e punës, është i pashmangshëm. Ai do t’ju vijë pavarësisht nëse ju e kërkoni atë apo jo. Aftësia për të njohur konfliktin, të kuptoni natyrën e tij, dhe të jeni në gjendje për të sjellë zgjidhje të shpejtë dhe të drejtë, do ju shërbejë, si lider, – përndryshe, pamundësia për ta bërë këtë, mund të jetë shkatërrimi juaj.

Sa herë mund të keni qenë dëshmitar kur keni parë, se si profesionistët janë vetshkatërruar, pasi ata nuk janë angazhuar nga frika e konfliktit? “Futja e kokës në rërë” me shpresë se konflikti do të kalojë, nuk është mënyrë efektive për zgjidhjen e problemeve. Rrallë ndodh që konflikti të zgjidhet vetë. Në fakt, konflikti normalisht përshkallëzohet, nëse nuk trajtohen në mënyrë proaktive dhe të duhur. Nuk është aspak e pazakontë që ngjarje të parëndësishme, të kthehen në problem madhor në qoftë se nuk zgjidhen herët.

Një nga shembujt e preferuar të asaj që kam përshkruar, është lideri i dobët që nuk mund të merret me vartësit që përdorin mashtrimin emocional si një armë. Çdo vend pune është rrënuar nga njerëz manipulues, që përdorin emocionin, të krijojnë konflikt, për të mbuluar difektet e tyre. Këta janë ata tipa “dramë ndërtuesish”, që kur konfrontohen për keqbërje dhe/ose mungesën e performancës, janë të shpejtë për të vënë gishtin në një drejtim tjetër. Ata janë të aftë në përdorimin e emocioneve, të cilat shpesh përfshijnë lot krokodili,  fajësimin e dikujt a diçkaje tjetër, gënjeshtrave të vogla, gjysëm të vërtetave dhe manipulime të tjera të rëndomta, për t’u larguar sa më shumë nga trajtimi i thelbit të çështjes. E vetmja gjë më e keqe se ajo që kam përshkruar, është udhëheqja që nuk e dallon atë, dhe/ose nuk bën asgjë në lidhje me të. Liderët e vërtetë nuk luajnë, nuk përfshihet në drama, dhe ata me siguri nuk tolerojnë sjellje manipuluese.

Zhvillimi i aftësive për zgjidhjen e konflikteve janë një element thelbësor në ndërtimin e një modeli të qëndrueshëm biznesi. Konflikti i pazgjidhur shpesh rezulton në humbjen e produktivitetit, në mbytjen e krijimtarisë, dhe krijimin e pengesave për bashkëpunim dhe bashkëveprim. Ndoshta më e rëndësishme për çdo drejtues është që, aftësitë e mira në zgjidhjen e konflikteve, janë të barabarta, me mbajtjen e punonjësve të mirë. Liderët të cilët nuk merren me konfliktin, në fund do të shikojnë se talentet e tyre më të mirë, do të largohen në kërkim të një mjedisi më të shëndetshëm dhe më të sigurt pune.

Ndërsa konflikti është një pjesë normale e çdo mjedis shoqëror dhe organizativ, sfida e konfliktit qëndron në atë se si dikush zgjedh të merret me të. Duke u fshehur, shmangur ose injoruar, konflikti ka të ngjarë të acarohet, të rrisë pakënaqësinë, të krijojë tërheqje ose të shkaktojnë konflikte brenda një organizate.

Po, çfarë e krijon konfliktin në vendin e punës? Pozicione të kundërta, tensionet konkurruese, lufta për pushtet, egoja, krenaria, xhelozia, mospërputhjet e performancës, çështjet e kompensimit, ose, edhe vetëm dikush që ka një ditë të keqe, etj. Ndërsa përgjigja për pyetjen e mësipërme duket se të çon në përfundimin se vetëm ndonjë gjë, ose çdo gjë krijon konflikt, realiteti është se rrënja e konfliktit ka lindur ose prej komunikimit të dobët ose nga paaftësia për të kontrolluar emocionet e dikujt. Le të shqyrtojmë këto 2 shkaqe kryesore të konfliktit:

Komunikimi: Në qoftë se ju do të reflektoni mbi konfliktet që keni hasur gjatë viteve, do të kuptoni shpejt se shumë prej tyre, rezultojnë nga mungesa e informacionit, informacion i varfër, asnjë informacion, apo keqinformim. Le të supozojmë për një moment se keni qenë me fat, se keni marrë informacion të mirë, por nuk keni ditur se çfarë të bënit me të ... Ky është ende një problem komunikimi, e cila, nga ana tjetër, mund të çojë në konflikt. Komunikimi i qartë, konçiz, i saktë dhe në kohë i informacionit, do të ndihmojë për të lehtësuar edhe numrin dhe ashpërsinë e konfliktit.

Emocionet: Një tjetër gabim i zakonshëm që bëhet në fushën e komunikimit në vendin e punës, dhe që çon në konflikt, është të marrësh vendime mbi bazë emocionesh. Dëshmitë për këtë janë të shumta. A keni përjetuar edhe juve ndonjëherë ndonjë rast, kur një punonjës të ketë marrë një vendim të rëndësishëm në një moment nxehtësie? Nëse po, çfarë keni parë në fakt, ishte një person që kënaqi emocionet e tij, në vend që të mbronte të ardhmen e tij.

Fatkeqësia e ekzistencës njerëzore, e cila në fakt, është vetë natyra e njeriut, është se gjithmonë do të krijojmë boshllëqe në të menduar, dhe, edhe pse ne të gjithë do dëshirojmë që të mos jetë kështu ... kështu është. Pra, konflikti do të ekzistojë dhe çështja që shtrohet është si të trajtojmë në mënyrë efektive kur ai lind. Kjo është esenciale për shëndetin organizativ dhe performancën e saj, që konflikti të pranohet dhe të adresohet, përmes proceseve efektive të zgjidhjes së konflikteve. Ndërsa është e rëndësishme të kesh një strukturë të zgjidhjes së konflikteve, shfrytëzimi efektiv i proceseve të zgjidhjes së konflikteve, në fund të fundit, varet nga aftësia e të gjitha palëve për të kuptuar të mirat e zgjidhjes së konfliktit, dhe ndoshta më e rëndësishmja, dëshira e tyre për të zgjidhur çështjen. Këshillat e mëposhtme do të ndihmojnë në trajtimin sa më efektiv të konflikteve, në vendin e punës:

1. Përkufizoni sjelljen e pranueshme: Ju e dini atë që thonë në lidhje me pretendimin ... Vetëm duke pasur një përkufizim për atë që përbën sjelljen e pranueshme, kjo është një hap pozitiv në shmangien e konfliktit. Krijimi i një kuadri për marrjen e vendimeve, duke publikuar deklaratat e autoritetit, duke inkurajuar praktika të shëndosha të biznesit lidhur me bashkëpunimin, ndërtimin e ekipit, zhvillimin e lidershipit, dhe menaxhimin e talenteve, të gjitha këto, do të të ndihmojnë të shmangni konfliktet. Duke pasur përshkrime të përcaktuara qartë të punës, në mënyrë që njerëzit të dinë se çfarë pritet prej tyre, dhe një hierarki komanduese të mirë, për të lejuar për një komunikim efektiv, do të ndihmojnë gjithashtu për të shmangur konfliktet. Në mënyrë të qartë dhe publikisht, bëni të njohur se çfarë tolerohet e çfarë jo.
2. Trajtoni konfliktin menjëherë: Ndërkohë që nuk mund të parandaloni gjithmonë konfliktet, nga përvoja them, se sekreti kryesor për zgjidhjen e konflikteve është parandalimi aty ku është i mundur. Duke kërkuar dhe analizuar zonat ku konflikti është i mundshëm, në mënyrë proaktive, të drejtë dhe vendimtare, duhet të ndërhyni, që të mund të parandaloni konflikte të caktuara. Në qoftë se një konflikt shfaqet, ju do të mund të minimizoni peshën e tij, duke e trajtuar shpejt. Shpenzoni kohë në identifikimin dhe të kuptuarit e tensioneve natyrore njerëzore, dhe kjo do të ndihmojë për të shmangur konfliktet e panevojshme.
3. Kuptoni faktorin -Çfarë është në të për mua? : Kuptimi i pozicionit të profesionistëve të tjerë rreth asaj “Çfarë është në të për mua?”, është e rëndësishme. Kjo është absolutisht thelbësore, për të kuptuar motivimin e tjetrit. Mënyra për të shmangur konfliktin, është që të ndihmosh ata përreth, të arrijnë objektivat e tyre. Nëse shikoni mundësi konflikti, nga perspektiva e kryerjes së veprimeve, ndihmoni të tjerët të arrijnë qëllimet e tyre, dhe edhe ato pengesa që do të shfaqen në rrugën tuaj do të zgjidhen me përfshirjen e të tjerëve.
4. Faktori Rëndësi: Zgjidh betejat e tua dhe shmang konfliktin për hir të konfliktit. Sidoqoftë, nëse çështja është shumë e rëndësishme për të krijuar një konflikt, atëherë ajo me siguri është mjaftueshëm e rëndësishme për t’u zgjidhur. Nëse çështja, rrethanat, ose situata janë mjaft të rëndësishme, dhe ka rrezik, njerëzit do të bëjnë atë që është e nevojshme për të hapur linjat e komunikimit dhe për të mbyllur boshllëqet pozicionale dhe/ose filozofike.
5. Shikoni konfliktin si mundësi: E fshehur, pothuajse brenda çdo konflikti, është mundësia e madhe e të mësuarit. Ku ka mosmarrëveshje, ka një potencial të qenësishëm për rritje dhe zhvillim. Nëse ju jeni një drejtues i lartë, i cili nuk nxit konflikt për ndërtimin e ekipit apo me qëllim zhvillimin drejtues, jeni duke humbur një mundësi e madhe. Qëndrimet e ndryshme, të adresuara si duhet, mund të stimulojë risi dhe të mësuarin në mënyra që me mendje as nuk mund të imagjinohen. Udhëheqësit e zgjuar shikojnë dhe trajtojnë të gjitha mendimet ndryshe.

Si përfundim ... Besoj se zgjidhja zakonisht mund të gjenden nëpërmjet konfliktit, kur ka një dëshirë të sinqertë për ta bërë këtë. Në anën tjetër, kompromisi, falja, dhembshuria, ndjeshmëria, gjetja e gjuhës së përbashkët, me qenë një dëgjues aktiv dhe qasje të tjera të shumta, gjithmonë do t’ju lejojnë të jeni të suksesshëm në ndërtimin e marrëdhënie, nëse dëshira është mjaft e fortë. Megjithatë, kur të gjithë dështojnë dhe boshllëqet pozicionale nuk mund të mbyllen, zgjidheni çështjen duke bërë gjënë e duhur.