Në shkrimin e një jave më parë, Jeffrey dhe ne, ju premtuam se do të sillnim një listë me 13.5 karakteristika që shfaqen shpesh e në mënyrë të vazhdueshme tek punonjësit e suksesshëm të shitjeve. Dhe ja ku jemi sot, në mbajtje të premtimit. Në fakt nuk ka një formulë sekrete, magjia e së cilës do ta kthejë çdo punonjës shitje në një super yll shitjesh. Përkushtimi, mësimi i vazhdueshëm, fokusi dhe dëshira e zjarrtë për sukses janë elementët bazë të një punonjësit të suksesshëm shitjesh. I kërkoni këto, dhe të tjerat më poshtë, tek vetja juaj dhe kandidatët tuaj, punoni me veten dhe me ta, për t’i kultivuar e përmirësuar vazhdimisht dhe shpejt do të jeni një menaxher i shkëlqyer, me një ekip të shkëlqyer shitjesh. Punë të mbarë e Lexim të këndshëm!

* * * * *

A keni karakterin dhe karakteristikat e suksesit në shitje?

Këtu është një listë e karakteristikave për sukses në shitje.

Ato përfaqësojnë ato elementë, që do ta bëjnë një punonjës shitje të suksesshëm.

Por këtu është sekreti – para se të gjykoni për të tjerët dhe t’i krahasoni ata me listën, së pari, gjykoni veten. Matni veten me elementët që i bëjnë punonjësit e shitjes ata që janë dhe të suksesshëm në atë që bëjnë. Dhe për ata prej jush, që punësoni punonjës shitje, kjo është një listë kontrolli e gjërave reale që duhen kërkuar tek një person, potencialisht i suksesshëm.

MBANI PARASYSH: Nëse dëshironi të keni sukses, ju dhe kushdo që punësoni, do të jetë mirë të jeni diku midis 8 dhe 10 (në vlerësimin nga 1 tek 10) për secilën nga këto karakteristika.

Me këtë në mendje, këtu do gjeni një listë me 13.5 karakteristika individuale, që do ta bënin çdo person një punonjës shitje për tu "punësuar" dhe "të suksesshëm" (përfshirë edhe ju):

1. Zgjuarsia. Punonjësit e shitjes duhet të jenë mjaft të zgjuar për të menduar shpejt, dhe të trajtojnë çdo lloj situate, ashtu siç ndodh. KUJDES: Shitësit me shumë përvojë, të cilët mendojnë se dinë gjithçka, kanë më shumë gjasa që të humbin kundrejt një personi të zgjuar, nëse nguten.

2. Iniciativa. Punonjësit e shkëlqyer të shitjes nuk kanë nevojë për "motivim". Ata kanë një dëshirë të zjarrtë së brendshmi. Askush nuk duhet t'u thotë atyre se çfarë të bëjnë. Ata e dinë se çfarë të bëjnë. Dhe ata e bëjnë atë. Ata bëjnë atë që nga takimi i parë e deri në takimin e fundit të ditës.

3. Qëndrimi i shkëlqyer. Punonjësit e shkëlqyer të shitjes besojnë se do të bëjnë çdo shitje. Shitësit e shkëlqyer e marrin një "Jo" si "Ende jo". Shitësit e shkëlqyer pranojnë çdo limon që u hidhet atyre nga menaxhmenti, klientët dhe kontabiliteti - dhe i përdorin ato limonë për të hapur një stendë limonade. Një shitës i shkëlqyer është në gjendje të marrë gabimet e të gjithëve dhe t'i kthejë ato në para.

4. Aftësi të shkëlqyera komunikimi. Shitësit e mëdhenj nuk janë komunikues "të mirë". Ata janë komunikues të shkëlqyer. Mesazhi i tyre është edhe bindës dhe i transferueshëm. Pasioni dhe sistemi i tyre i besimit është po aq ngjitës sa edhe entuziazmi i tyre. Dhe ata janë në gjendje të shprehen në një mënyrë të tillë që i bën klientët të blejnë, gjithnjë e më shpesh.

5. Aftësi fizike dhe mendore. Deklarata flet vetë dhe nënkupton që ju të stërviteni rregullisht, për të ushtruar mendjen dhe trupin tuaj. Ushtroni mendjen dhe trupin tuaj përpara se të shkoni në punë, në mënyrë që të ndiheni mirë dhe kjo ndjenjë e mirë të projektohet sa herë që ndërveproni me secilin klient.

6. Njohuri për kompjuter, tablet dhe telefon. Nuk ka asnjë justifikim për mungesën e njohurive kompjuterike përveç kokëfortësisë dhe dembelizmit. Interneti po sundon botën ekonomike prej më shumë se një dekade. Dhe ata që e injorojnë këtë fakt do ta gjejnë veten plotësisht të papunë pasi të pushohen nga puna e tyre aktuale.

7. Me fokus drejt objektivave. Të keni një qëllim apo objektiv është një element themelor dhe i domosdoshëm. Synimi për ta arritur atë është motivi për ta arritur atë. Të keni një plan është një element themelor dhe i domosdoshëm. Synimi për ta zbatuar atë është motivi për ta vënë atë në veprim. Mbajtja e vëmendjes tek shpërblimi dhe punuarit drejt objektivit, është ajo që i dallon qartë ata që marrin rezultate nga ata që nuk marrin. "Synime pa qëllim dhe fokus" është si një makinë pa karburant. Duket e bukur, por nuk mund të të çon askund. Objektivi / qëllimi është karburanti që do t'ju çojë nga vendi ku jeni në objektivin tuaj, destinacionin tuaj, atje ku dëshironi të jeni.

8. Përkushtimi për sukses. Për punonjësit e shkëlqyer të shitjes, nuk është vetëm çështje objektivash apo qëllimesh. Është çështje përqendrimi te rezultati dhe arritjet. Arritjet e shumëfishta çojnë në sukses dhe në një vetëbesim që shtyn përpara për të shkuar nga shitja në shitje.

9. Historia e suksesit. Sa herë që një punonjës i shkëlqyer bën një shitje, ajo mbetet në bankën e kujtesës së tij të vetëbesimit dhe mund të thirret për energji pozitive në çdo situatë. Sa më shumë të keni sukses, aq më shumë ka të ngjarë të vazhdojë suksesi juaj.

10. Kërkesë për karrierë, jo vetëm një punë. Nëse një punonjës shitje ka një pagë bazë dhe një komision, personi i punës kërkon një rritje në pagën e tij bazë. Personi i karrierës dëshiron një rritje në komisionin e tij.

11. Interes për sukses dhe zhvillim personal, sesa për paratë. Shitësit që punojnë për para, rrallë e arrijnë atë. Shitësit e suksesshëm punojnë për të qenë versioni më i mirë i vetes së tyre dhe i përkushtohen atij procesi çdo ditë. Dhe si rezultat, fitojnë shumë më shumë.

12. Një student i përhershëm: i gatshëm për të mësuar dhe përshtatur. Punonjësit e shkëlqyer të shitjes e dinë se gjithmonë ka shumë për të mësuar. Ata përkushtohen për të qenë më të mirë, për të qenë më të mirët. Shitësit e mëdhenj e dinë se të mësuarit nga eksperienca e tyre i lejon ata të përshtaten dhe të jenë gati për takime të reja dhe sfida të reja. Ky është ndryshimi midis "unë di tashmë gjithçka" dhe "student gjatë gjithë jetës".

13. Marrja e kënaqësisë nga shërbimi të tjerëve. Kjo është cilësia "mjeshtërore". Një nga shitësit më të mirë që kam njohur ndonjëherë është John Ruhlin. Ai krijoi dhe është mjeshtër i Dhuratologjisë, dhe i pëlqen të shërbejë.

13.5 Prani dhe reputacion i lartë në rrjetet sociale. Easier deklaroi: "Aftësia në Google" nga ju dhe për çdo klient që mund të vizitoni. Shitësit e shkëlqyer i njohin mediat sociale, kanë një mirëkuptim social dhe marrin pjesë çdo ditë në mësimin, postimin dhe ndërtimin e reputacionit.

E vutë re se mungon një karakteristikë? Aftësitë e shitjes. Më mirë të kisha qëndrim dhe tru se sa aftësi shitje, çdo ditë. Mund të mësoj dikë se si të shesë. Por nuk mund ta mësoj që të jetë i zgjuar apo i lumtur.

Edhe diçka tjetër. I krahasoni këto kualifikime apo elementë, me shitësin më të mirë që keni njohur ndonjëherë. I krahasoni ato me shitësin më të mirë që keni pasur ndonjëherë në ekipin tuaj. I krahasoni ato me veten tuaj. Ouu.

Tani që i dini kriteret, keni pak punë për të bërë.