Ky nuk është një shkrim i ngjashëm me ato që ju kemi sjellë çdo të hënë. Më shumë se një shkrim, ky është një kthim tek bazat dhe si i tillë është një udhëzues mbi vendosjen dhe arritjen e objektivave, një prej disiplinave që nuk kemi pasur mundësi ta mësojmë në shkollë. Idetë e paraqitura këtu bazohen në shkrimet dhe leksionet më të njohura të Jim Rohn, mbi temën e zhvillimit personal. Koha në të cilën po e sjellim, mendojmë se është mëse e përshtatshme pasi fundi i vitit dhe fillimi i një viti të ri shërbejnë si një moment reflektimi mbi atë që i kemi premtuar vetes se do bënim dhe se çfarë do të bëjmë në të ardhmen. Urojmë që bilanci juaj të jetë plot SUKSESE! Lexim të këndshëm!

* * * * *

Vendosja e qëllimeve dhe objektivave është një aftësi fantastike për t'u zhvilluar dhe që përcakton se si do të jetë e ardhmja juaj. Një jetë e jetuar shumë mirë është një jetë sipas planit. Jo rastësisht, dhe jo thjesht duke ecur gjatë gjithë ditës duke u kujdesur në të gjitha drejtimet dhe duke arritur të mbijetosh. Nëse mund të filloni t'i jepni jetës suaj dimensione, dizajn, ngjyra, objektiva dhe qëllime, rezultatet mund të jenë absolutisht befasuese.

Vendosja e qëllimeve dhe objektivave ju jep mundësinë të përjetoni fuqinë e imagjinatës suaj. Pa mendoni pak. Imagjinata ndërton qytete. Imagjinata fiton mbi sëmundjen. Imagjinata zhvillon karrierën. Imagjinata krijon marrëdhënie. Imagjinata është vendi ku fillojnë të gjitha vlerat e prekshme dhe të paprekshme. Pra, ajo që duhet të mësoni të bëni është ta përdorni këtë burim të fuqishëm.

Përdorimi i imagjinatës për përcaktimin e qëllimeve dhe objektivave përfshin të menduarit për të ardhmen tuaj, të menduarit për të nesërmen ose pjesën tjetër të ditës, të menduarit për pjesën tjetër të vitit ose për 5 e 10 vitet e ardhme. Ju mund të përdorni imagjinatën tuaj për të filluar kërkimin për të ardhmen, për çfarë mund të jetë e mundur për ju.

5 gjërat që ndikojnë tek ju, në jetën tuaj dhe qëllimet tuaja

Por, përpara se ta bëni këtë, duhet të dini pesë gjërat kryesore që na prekin të gjithëve ne:

1. Mjedisi

Nuk është e dëmshme të japësh një kontribut të thjeshtë për mjedisin; një kontribut i vogël nuk kushton asgjë. Merreni një mbeturinë dhe hidheni në vendin e caktuar. Nëse të gjithë do ta bënin këtë, bota do të ishte më e mirë. Nëse të gjithë do të kontribuonin, ndryshimi do të ishte i dukshëm, apo jo?

2. Ngjarjet

Mendoni për ndonjë ngjarje të madhe me rëndësi lokale, kombëtare ose globale. Ka edhe ngjarje të vogla dhe ngjarje të përditshme dhe ngjarje familjare dhe ngjarje në komunitet. Ngjarjet na prekin të gjithëve – qofshin të vogla, të mëdha, personale, kombëtare apo globale.

3. Njohuritë

Ja një frazë e mirë për t'u theksuar: Injoranca nuk është lumturi. Injoranca është tragjedi. Injoranca është shkatërrim. Injoranca krijon varfëri. Injoranca krijon sëmundje. Injoranca do ta shkurtojë jetën tuaj. Injoranca do ta zbrazë jetën tuaj dhe do t'ju lërë bosh, me asgjë që mund t’ja vlejë. Jo, injoranca nuk është lumturi.

Këtu është një thënie tjetër: Ajo që nuk e dini do t'ju lëndojë. Ajo që nuk dini do të ndikojë në mënyrë tragjike në jetën tuaj. Ajo që nuk dini do ta lërë jetën tuaj bosh. Ajo që nuk dini do t'ju lërë fillikat.

Ne jemi të prekur nga çdo gjë që dimë ose nuk dimë.

4. Rezultatet

Qoftë në biznes apo personale, ne të gjithë jemi të prekur nga rezultatet. Mungesa e disiplinës do të japë rezultate të dobëta në të ardhmen. Disiplinat e menaxhuara mirë na japin rezultate të mira.

5. Ëndrrat tona

Ne jemi të prekur nga ëndrrat tona - vizioni ynë për të ardhmen.

Tërheqja e së Ardhmes

Disa njerëz jetojnë në të kaluarën. Ata lejojnë që jeta e tyre të tërhiqet dhe të ndikohet vazhdimisht prej saj. Megjithëse duhet të kujtojmë dhe rishikojmë të kaluarën për ta bërë të dobishëm investimin në të ardhmen, këtu është çelësi: Sigurohuni që tërheqja më e madhe në jetën tuaj është tërheqja e së ardhmes.

Nëse nuk keni shumë ëndrra, ose objektivat dhe qëllimet tuaja nuk janë të planifikuara mirë, atëherë kjo nuk është shumë e vështirë. Mund të keni më shumë tendencë për t'u shkëputur nga ngjarjet ose rrethanat. Pra, në mënyrë që të shpëtoni veten nga shpërqendrimet ose tërheqja e së kaluarës, duhet të filloni të dizajnoni të ardhmen.

Objektivat janë si një magnet - ata tërheqin. Dhe sa më të fortë të jenë, aq më të qëllimshëm, aq më të mëdhenj, aq më unikë, aq më fort tërheqin.

Ëndrrat e larta ju drejtojnë në të gjitha llojet e ditëve dhe stinëve. Ato ju drejtojnë përmes një dimri pakënaqësie. Ata ju drejtojnë përmes shpërqendrimeve nga çdo anë. Një ditë pothuajse e keqe mund t'ju kaplojë, nëse nuk keni diçka vërtet të qëllimshme për të bërë, në anën tjetër të asaj dite.

Megjithatë, nëse keni synime të shkëlqyera, ato do t'ju drejtojnë përmes të gjitha këtyre gjërave dhe shumë pak prej tyre do t'ju ndikojnë. Ju do të jeni në gjendje të kaloni edhe periudhat më të vështira, nëse keni përpara vizionin se ku po shkoni dhe çfarë do të arrini.

Mësoni të vendosni objektiva

Të mësuarit e vendosjes së objektivave mund ta transformojë jetën tuaj përgjithmonë. Ajo ka fuqinë e arritjes të së ardhmes, dizajnimin e diçkaje në përputhjen më të mirë me aftësitë tuaja, përsosjen e saj ndërsa ecni, ndryshimin periodikisht nëse dëshironi, ose vendosjen e një liste krejt të re. Është jeta jote. Është e ardhmja juaj.

3 Përbërësit e objektivave të fuqishme

Arsyeja kryesore për të vendosur një qëllim ose objektiv është se ju shtyn për ta arritur atë. Kjo do të jetë gjithmonë një vlerë shumë më e madhe se ajo që merrni. Kjo është arsyeja pse qëllimet janë kaq të fuqishme. Ato janë pjesë e asaj që përbën jetën tonë.

Vendosja e objektivave është e fuqishme sepse siguron fokus, formëson ëndrrat tona dhe na jep aftësinë për t'u përfshirë në veprime të sakta që duhet të ndërmarrim për të marrë gjithçka që dëshirojmë në jetë. Qëllimet na bëjnë të sforcohemi dhe të rritemi në mënyra që nuk i kemi menduar kurrë më parë. Për të arritur qëllimet tona, ne duhet të bëhemi më të mirë - duhet të ndryshojmë dhe të rritemi.

Objektivat e fuqishëm kanë tre komponentë:

• Ato duhet të jenë frymëzues.
• Ato duhet të jenë të besueshme.
• Ato duhet të jenë objektiva që mund të veproni.

Jeta është krijuar në atë mënyrë që ne të shikojmë afatgjatë dhe të jetojmë afatshkurtër. Ne ëndërrojmë për të ardhmen dhe jetojmë në të tashmen. Fatkeqësisht, e tashmja mund të sjellë shumë pengesa e vështirësi. Për fat të mirë, sa më të fuqishme synimet tona (sepse janë frymëzuese dhe të besueshme), aq më shumë do të jemi në gjendje të veprojmë në përputhje me to në një afat të shkurtër dhe të garantojmë që ato të realizohen.

4 Këshilla për të vendosur objektiva të fuqishëm

Pra, cilat janë aspektet kryesore për të mësuar dhe mbajtur mend kur studiojmë dhe shkruajmë objektivat tona? Ja një vështrim më i afërt i përcaktimit të objektivave dhe se si mund t’i bëni atë të fuqishme dhe praktike:

1. Vlerësimi dhe Reflektimi

E vetmja mënyrë se si mund të vendosim në mënyrë të arsyeshme se çfarë duam në të ardhmen dhe si do të arrijmë atje, është që së pari, të dimë se ku jemi tani dhe cili është niveli ynë aktual i kënaqësisë. Me fokusin tonë në përcaktimin e objektivave, rregulli i parë i biznesit, për secilin prej nesh, është që të dedikojë kohë për vlerësim dhe reflektim.

2. Ëndrrat dhe objektivat

Cilat janë ëndrrat dhe objektivat tuaja? Kjo nuk lidhet me të kaluarën ose me atë që mendoni se mund të arrini, por me atë që dëshironi. A jeni ulur ndonjëherë vërtet, të keni menduar për vlerat tuaja të jetës dhe të keni vendosur se çfarë dëshironi në të vërtetë? Kjo nuk është ajo që dikush tjetër thotë se ju duhet të keni, ose çfarë kultura na thotë që njerëzit e suksesshëm bëjnë ose e kanë. Këto janë ëndrra dhe objektiva të lindura nga zemra dhe mendja juaj, qëllime unike për ju dhe që vijnë nga ajo që jeni krijuar dhe që jeni të talentuar për t'u bërë.

3. Objektivat SMART

SMART do të thotë Specifike, e Matshme, e Arritshme, Realiste dhe e Të përcaktuara në kohë.

• Specifike: Mos jini të paqartë. Çfarë dëshironi realisht?
• E matshme: Përcaktoni sasinë e objektivit tuaj. Si do ta kuptoni nëse e keni arritur apo jo?
• E arritshme: Jini të sinqertë me veten për atë që mund të arrini në mënyrë të arsyeshme në këtë pikë të jetës tuaj, duke marrë parasysh përgjegjësitë tuaja aktuale.
• Realiste: Duhet të jetë e realizueshme, reale dhe praktike.
• Të përcaktuar në kohë: Vendosni një hapësirë kohore për çdo objektiv. Kur duhet ta përfundoni objektivin?

4. Përgjegjshmëria

Fjala llogaridhënie do të thotë të japësh llogari. Kur dikush e di se cilat janë objektivat tuaja, ata ju ndihmojnë të jeni të përgjegjshëm. Pavarësisht nëse është dikush tjetër që përpiqet të arrijë të njëjtin objektiv me ju, ose thjesht dikush që mund t'i shprehni idenë bazë, të keni një partner llogaridhënieje do t'ju japë një shtysë tjetër shtesë, për të përmbushur objektivat tuaja.

Pra, vlerësoni dhe reflektoni. Vendosni se çfarë dëshironi. Bëhuni SMART. Jini të përgjegjshëm. Kur i bashkoni këto katër pjesë kyçe, ju e vendosni veten në një pozicion fuqie për të kërcyer drejt arritjes së objektivave tuaja dhe llojit të jetës që dëshironi.

Vlerësimi dhe Reflektimi

Baza për të ditur se ku duam të shkojmë është të dimë se nga kemi ardhur dhe ku jemi. Është gjithashtu të dimë se sa mirë i kemi bërë gjërat, në arrijen e asaj që kemi vendosur më parë. Ky është thelbi i vlerësimit dhe reflektimit. Pra, ne duhet të kuptojmë se si i kemi bërë gjërat dhe më pas, ta përdorim atë si një platformë për atë që duam të bëjmë më pas.

Procesi i vlerësimit është relativisht i thjeshtë, por mund të ndryshojë pak. E rëndësishme është të keni një proces. Këtu është procesi bazë për vlerësimin dhe reflektimin:

1. Gjeni një vend të qetë.

Reflektimi bëhet më mirë larg shpërqendrimit. Kjo i jep mendjes tuaj hapësirë për të menduar.

2. Merrni kohën e duhur.

Nuk ka rëndësi nëse është një herë në javë, çdo dy javë, një herë në muaj ose tremujor, por sigurohuni që të caktoni kohën e duhur në intervale të rregullta, për të vlerësuar dhe reflektuar.

3. Shikoni prapa.

Shikoni se çfarë keni arritur dhe ku jeni. Jini specifik. Jini të sinqertë. Jini të pamëshirshëm e të sinqertë.

4. Shkruajeni atë.

Mbani shënime. Kjo ju jep mundësinë që në fazën tjetër të vlerësimit, të shikoni saktësisht se ku keni qenë herën e fundit. Dhe mban shënime sa më objektive.

5. Shikoni përpara.

Vendosni objektivin tuaj të ardhshëm. Përshtateni sipas asaj që funksionon për ju.

Pse duhet vlerësimi?

Qëllimi i vlerësimit është i dyfishtë. Së pari, ju jep një mënyrë objektive për të parë arritjet tuaja dhe ndjekjen e vizionit që keni për jetën tuaj. Së dyti, ju tregon se ku jeni, në mënyrë që të përcaktoni se ku duhet të shkoni. Vlerësimi ju jep një bazë nga e cila mund të punoni.

"Jeta e parishikuar nuk ia vlen të jetohet". Të vlerësojmë dhe të reflektojmë na sjell ballë për ballë me atë që jemi. Më e rëndësishmja, na jep kohë për të ëndërruar dhe për të krijuar një vizion për atë që duam të bëhemi. Vetëm kur dedikojmë kohën e duhur, mund të arrijmë gjendjen mendore dhe qetësinë shpirtërore që na nevojitet, për të gjetur atë vend të brendshëm.

Ata që nuk dedikojnë kurrë kohë për të vlerësuar dhe reflektuar, do të lëkunden andej-këtej në jetë, duke jetuar mes forcave të kulturës, rrethanave, presioneve shoqërore dhe, për fat të keq, dobësive personale.

Në të kundërt, ata që i dedikojnë kohë vlerësimit, do të zbulojnë se janë si një lis në stuhi: ata kanë një themel të fortë, ata e dinë se ku po shkojnë, ata dinë se si të arrijnë atje dhe në fund të fundit, ata do të arrijnë atje. Pa marrë parasysh se çfarë u del përpara.

Merrni disa orë këtë javë për të vlerësuar dhe reflektuar. Shikoni se ku jeni dhe shënojeni atë në ditarin tuaj, në mënyrë që ndërsa muajt kalojnë dhe ju vazhdoni në mënyrë të rregullt vlerësimin dhe reflektimin, do të shikoni se sa terren po fitoni - dhe kjo do të jetë emocionuese!

Ëndrrat dhe objektivat

Si njerëz, një nga gjërat e mahnitshme që na është dhënë, është dëshira e pashuar për të pasur ëndrra për një jetë më të mirë dhe aftësia për të vendosur objektiva e për t'i realizuar ato ëndrra.

Ne mund të shikojmë thellë vetes tonë dhe të ëndërrojmë për një situatë më të mirë për veten dhe familjet tona. Ne mund të ëndërrojmë për një jetë më të mirë financiare, emocionale, shpirtërore ose fizike. Na është dhënë gjithashtu aftësia që jo vetëm të ëndërrojmë, por t'i ndjekim ato ëndrra - dhe jo vetëm t'i ndjekim ato, por kemi dhe aftësinë njohëse për të hartuar një plan dhe strategji për t'i arritur ato ëndrra. E fuqishme, apo jo?

Cilat janë ëndrrat dhe synimet tuaja? Kjo nuk është ajo që ju tashmë keni ose çfarë keni bërë, por ajo që dëshironi. A jeni ulur ndonjëherë dhe keni menduar për vlerat tuaja në jetë dhe keni vendosur se çfarë dëshironi me të vërtetë? A keni marrë ndonjëherë kohë për të reflektuar vërtet, për të dëgjuar qetësisht zemrën tuaj, për të parë se çfarë ëndrrash jetojnë brenda jush? Ëndrrat tuaja janë aty. Të gjithë i kanë ato. Ata mund të jetojnë në sipërfaqe, ose mund të varrosen thellë ndër vite prej të tjerëve, që ju thonë se këto janë budallallëqe, por ato janë aty.

Ju duhet t’i bëni vetes pyetjet e vështira për t'u emocionuar prej ëndrrave tuaja, dhe më pas, duhet ta përktheni atë emocion në veprim strategjik për të ndjekur gjithçka që dëshironi. 

Këto janë disiplinat që do t’ju ndihmojnë në çlirimin e fuqisë së ëndrrave, brenda jush:

Dëgjojeni veten.

Si e dimë se cilat janë ëndrrat tona? Ky është një proces interesant dhe lidhet kryesisht me artin e të dëgjuarit. Kjo nuk është të dëgjosh të tjerët; është të dëgjosh veten. Nëse i dëgjojmë të tjerët, dëgjojmë planet dhe ëndrrat e tyre dhe nganjëherë, të tjerët do të përpiqen të vendosin planet dhe ëndrrat e tyre mbi ne. Nëse dëgjojmë të tjerët, nuk mund të përmbushemi kurrë. Ne do të ndjekim vetëm ëndrra të pakapshme që nuk janë të rrënjosura thellë brenda nesh.

Në vend të kësaj, ne duhet të dëgjojmë zemrat tona, për të dëgjuar ëndrrat e lindura nga pasionet dhe dëshirat që secili posedon në mënyrë unike. Ashtu si mund dëgjoni zemrën tuaj të rrahë brenda gjoksit, ashtu edhe ëndrrat e tua kanë ritmin e tyre. Gjithçka që duhet të bëni është të heshtni, aq sa të dëgjoni ritmin.

Gjeni kohë për të qenë të qetë.

Gjetja e kohës për të qenë të qetë është diçka që nuk e bëjmë mjaftueshëm në këtë botë të ngarkuar. Ne nxitojmë, nxitojmë, nxitojmë dhe vazhdimisht dëgjojmë zhurmat përreth nesh. Por nuk duhet të gënjejmë veten, që jemi të zënë. Në vend të kësaj, ne duhet t'i bëjmë vetes vazhdimisht pyetjen: "Çfarë jemi duke bërë që jemi të zënë?" Me fjalë të tjera, aktivitetet ku po merrni pjesë a ju shtyjnë drejt objemtivave tuaja? Nëse jo, atëherë mënjanojini gjërat e tepërta dhe zëvendësoni një pjesë të asaj kohe për qetësi.

Shpirti i njeriut ishte menduar të kishte kohë reflektimi të qetë, gjë që na lejon të shikojmë thellë brenda vetes. Kur e bëjmë këtë zemrat tona lirohen të fluturojnë dhe të fluturojnë mbi krahët e ëndrrave tona. Programoni një "kohë të qetë ëndërrimi" këtë javë. Me asnjë njeri tjetër. Asnjë celular. Asnjë kompjuter. Vetëm ju, një bllok shënimi, një stilolaps dhe mendimet tuaja.

Mendoni se çfarë ju emocionon vërtet. Kur jeni të qetë, mendoni për ato gjëra që me të vërtetë e bëjnë gjakun tuaj të lëvizë. Çfarë do të dëshironit të bënit, qoftë për argëtim apo për të jetuar? Çfarë do të donit të arrinit? Çfarë do të ndjenit nëse do të kishit suksesin e garantuar? Cilat mendime të mëdha e shtyjnë zemrën tuaj në një gjendje eksitimi dhe gëzimi? Kur t'u përgjigjeni këtyre pyetjeve, do të ndiheni mrekullisht, sepse jeni në "zonën e ëndrrave". Vetëm kur arrijmë në këtë pikë, ne mund të kuptojmë me të vërtetë dhe fillojmë të përjetojmë se cilat janë ëndrrat tona.

Bëni një listë dhe vendosni përparësi.

Shkruani të gjitha ëndrrat tuaja ashtu siç i keni. Mos mendoni për ndonjë prej tyre si shumë e çuditshme apo budallaqe – mbani mend, ju jeni duke ëndërruar! Lërini mendimet dhe stilolapsin tuaj të fluturojnë, ndërsa i regjistroni me kujdes.

Tani shikoni listën tuaj dhe jepini përparësi atyre ëndrrave. Cilat janë më të rëndësishmet? Cilat janë më të realizueshmet? Cilën do të donit ta bënit më shumë? Vendosini ato në rendin në të cilin do të përpiqeni t'i arrini ato. Mbani mend, ne jemi gjithmonë duke lëvizur drejt veprimit, jo vetëm duke ëndërruar.

Pse po ju kërkoj të merrni pjesë në këtë ushtrim? Kjo ndodh sepse jeta është shumë e shkurtër për të mos ndjekur ëndrrat tuaja. Në fund të jetës suaj, gjithçka që mund të bëni është të shikoni prapa. Ju mund të reflektoni me gëzim ose keqardhje. Dhe ne të gjithë e dimë se gëzimi nga disiplina peshon disa gram, ndërsa keqardhja tonelata.

Ata që ëndërrojnë, që vendosin objektiva dhe veprojnë sipas tyre, janë ata që jetojnë jetë të gëzuar dhe kanë një ndjenjë paqeje kur i afrohen fundit të jetës. Ata do të kenë rezultate të mira dhe për këtë, një ndjenjë krenarie dhe arritjeje, jo vetëm për veten, por edhe për familjet e tyre. Kjo ndjenjë është e paçmuar!

Mbani mend: Këto janë ëndrrat dhe objektiva të lindura nga zemra dhe mendja juaj, objektiva unike për ju dhe ato vijnë nga ajo që jeni krijuar dhe të talentuar për t'u bërë. Qëllimet tuaja specifike janë ato që dëshironi të arrini, sepse ato do ta bëjnë jetën tuaj të gëzueshme dhe do të sjellin përmbushje, si për ju ashtu edhe për familjen tuaj.

Objektivat SMART

Akronimi SMART është një nga aspektet kryesore të përcaktimit të qëllimeve, sepse ne duam të jemi të zgjuar kur vendosim objektivat tona. Ne duam të vendosim në mënyrë inteligjente se cilat do të jenë objektivat tona, në mënyrë që të mund t'i përmbushim ato. Ne duam të vendosim objektiva që i koncepton zemra jonë, që mendja jonë beson dhe që trupat tanë do t'i realizojnë. Le të hedhim një vështrim edhe më të afërt në secilin nga komponentët e objektivave SMART:

Specifike

Objektivat nuk lenë vend për diskutime. Ato nuk lenë vend për paqartësi. Objektivat e paqarta prodhojnë rezultate të paqarta. Objektivat e paplota prodhojnë të ardhme jo të plotë. Kur jemi specifik, ne shfrytëzojmë fuqinë e ëndrrave tona dhe vendosim forca në veprim që na fuqizojnë për të arritur qëllimet tona. Atëherë ne e dimë saktësisht se për çfarë po luftojmë - nuk ka dyshim.

Ndërsa vendosim prioritetet tona dhe menaxhojmë kohën tonë, ne e bëjmë atë për një qëllim specifik, për të arritur rezultatet që presim. Nuk ka asnjë habi apo hamendje. E ardhmja është e mbyllur në mendjet tona, dhe ne e shohim atë - në mënyrë specifike - dhe kjo është e fuqishme! Asnjëherë mos e nënvlerësoni se sa e rëndësishme është të keni objektiva shumë specifike dhe konkrete. Ata veprojnë si magnet, që ju tërheqin drejt tyre. Një qëllim SMART është specifik.

Të Matshme

Gjithmonë vendosni objektiva që janë të matshme - "veçanërisht të matshme" e duke mbajtur parasysh edhe parimin e të qenit specifik. Objektivat tona duhet të jenë të tilla, që ne të dimë se kur dhe sa po përparojmë. Pavarësisht nëse bëhet fjalë për orë, paund, dollarë apo ndonjë tregues tjetër, ne duhet të jemi në gjendje të shohim saktësisht se si po e masim, ndërsa udhëtojmë nëpër jetë duke përdorur objektivat tona. Imagjinoni nëse nuk i masni objektivat tuaja. Nuk do ta dinit kurrë se në cilën anë po shkoni, apo edhe nëse do të arrinit diku. Një qëllim SMART është i matshëm.

Të Arritshme

Një nga gjërat e dëmshme që bëjnë shumë njerëz - dhe e bëjnë me qëllime të mira - është vendosja e objektivave, që janë të paarritshme. Ndonëse është shumë e rëndësishme të vendosni objektiva të mëdha, që e bëjnë zemrën tuaj të fluturojë, është gjithashtu e domosdoshme të siguroheni që ato janë të arritshme.

Një qëllim i arritshëm është ai që është edhe realist dhe i realizueshëm, në një periudhë më të shkurtër kohore, sesa ajo me të cilën duhet të punoni. "E arritshme" nuk do të thotë lehtësisht e arritshme. Objektivat tona duhet që të jenë jashtë mundësive tona, në mënyrë që të na sfidojnë të rritemi, ndërkohë që ecim përpara për t'i arritur ato. Një qëllim SMART është i arritshëm.

Realiste

Rrënja e fjalës realiste është reale. Një qëllim duhet të jetë diçka që ne mund ta bëjmë në mënyrë të arsyeshme "reale" ose "realitet" në jetën tonë. Ka objektiva që thjesht nuk janë realiste. Ju duhet të jeni në gjendje të thoni, nëse është një objektiv është plotësisht realist - se mund t'ia dilni. Ju mund të duhet të thoni se do të duhen X, Y dhe Z për ta arritur atë, por nëse ato ndodhin, atëherë mund të bëhet.

Kjo në asnjë mënyrë nuk do të thotë se nuk duhet të jetë një objektiv i madh, por ai synim duhet të jetë realist. Kjo, në një masë të madhe, varet nga individi. Për një person, një objektiv mund të jetë realist, por për një tjetër, jo. Jini shumë të sinqertë me veten ndërsa bëni planifikimin dhe vlerësimin tuaj. Mund të bëni mirë të kërkoni një mik për t'ju ndihmuar, përderisa ai mik është nga natyra optimist dhe jo pesimist. Kjo mund t'ju ndihmojë të kuptoni se çfarë është realiste.

Duke e ditur se ndoshta mund t’ju duhet pak ndihmë për të dalluar të arritshmen dhe realisten, këtu është një shembull: Supozojmë se jeni mbipeshë dhe duhet të humbni 50 kilogramë për të arritur në peshën tuaj ideale. A është i arritshëm ai synim? Po, nëse edhe ju e bëni atë realist. Për shembull, nuk është realiste të mendoni se mund ta arrini në pesë muaj. 18 deri në 24 muaj do të ishte më realiste (me punë të palodhur). Kështu, humbja e 50 kilogramëve në dy vjet është e arritshme dhe realiste, ndërsa humbja e kësaj peshe në pesë muaj, nuk është as e arritshme dhe as realiste. Një objektiv SMART është realist.

Të përcaktuar në kohë

Një nga aspektet e fuqishme të një objektivi të madh është se ai ka një fund, një kohë në të cilën ju synoni ta arrini atë. Ju filloni të punoni sepse e dini se ka një fund, dhe me kalimin e kohës, ju punoni sepse nuk doni të mbeteni prapa. Me afrimin e afatit, ju punoni me zell sepse dëshironi ta përmbushni atë afat. Është një ide e mirë për ta zbërthyer një objektiv të madh në copëza të ndryshme të matshme dhe të përcaktuar në kohë. Vendosni objektiva më të vogla dhe zbatojini ato në kohën e tyre. Një objektiv SMART ka një afat kohor.

Llogaridhënia

Tani le të shohim se si ta zbatoni testin SMART për objektivat tuaja dhe të siguroheni se ato janë të fuqishme.

Si një kontratë me veten ose dikë tjetër, përgjegjshmëria është një çelës jetik në procesin e përcaktimit të objektivave. Përgjegjshmëria vendos efektivitetin në proces. Nëse vendoset një objektiv dhe vetëm një person e di atë, a ka vërtet ndonjë fuqi? Shumë herë nuk ka. Të paktën, nuk është aq i fuqishëm.

Kur dikush e di se cilat janë objektivat tuaja, ata i ndjekin dhe ju mbajnë përgjegjës, duke kërkuar që të "jepni llogari" se ku jeni në proces. Natyra njerëzore është e tillë që kur e dimë se dikush tjetër do të na pyesë, ne jemi shumë më të motivuar për ta bërë atë – edhe për arsyen e vetme që nuk duam të dukemi dembelë dhe të paangazhuar. Kjo është arsyeja pse të kesh një partner llogaridhënës është kaq e rëndësishme.

Në kuptimin bazë, ekzistojnë dy lloj llogaridhënie: e brendshme dhe e jashtme.

Llogaridhënia e brendshme

Përgjegjësia e brendshme është në thelb niveli i integritetit që ju mbani, jo vetëm gjatë gjithë procesit të vlerësimit, por edhe në jetë. Kjo do të thotë që kur analizoni veten, e gjykoni atë me ndershmëri. Këtu ju e mbani veten përgjegjës, për të bërë atë që keni thënë se do të bëni. Nëse jeni ngatërruar, ju thoni: "Unë e kam bërë keq", por nëse e keni bërë mirë, atëherë mund të festoni përparimin tuaj. Lëreni përgjegjshmërinë e brendshme t'ju stimulojë dhe t'ju nxisë në veprime më të mëdha në ndjekje të arritjeve tuaja.

Pra, para së gjithash, është përgjegjësia jonë të mbajmë përgjegjësi. Ne i përgjigjemi vetes. Ne marrim përgjegjësinë për veten. Si ta bëjmë këtë? Këtu janë disa ide:

1. Shkruani objektivat tuaja në mënyrë që ato të bëhen "objektiva". Ju nuk mund të ktheheni dhe të thoni: "Ky nuk ishte në të vërtetë qëllimi im".
2. Tregohuni të sinqertë me veten kur vlerësoni nëse e keni arritur apo jo objektivin. Sigurisht, nëse do të ishit specifik në përcaktimin e objektivit tuaj SMART, këtu nuk do të keni shumë hapësirë për të lëvizur.
3. Nëse nuk po e arrini objektivin tuaj, ose nëse jeni duke dështuar gjatë rrugës, përuluni dhe bëjeni veten përgjegjës për të bërë atë që duhet, në mënyrë që ta arrini atë objektiv!
4. Vendosni një afat kohor, në të cilën do të vlerësoni përparimin tuaj dhe do ta mbani veten përgjegjës.

Llogaridhënia e jashtme

Gjeni dikë tjetër, ose një grup të tjerësh, që t'ju kërkojnë llogari. Kur angazhohemi t'i japim llogari dikujt tjetër për veprimet dhe objektivat tona, ne e çojmë atë në një nivel tjetër.

Llogaridhënia e jashtme nuk do të funksionojë pa aspektin e brendshëm. Nëse nuk jeni të sinqertë me veten tuaj, atëherë ndoshta nuk do të jeni të sinqertë edhe me të tjerët. Të kërkosh dikë që të të kërkojë llogari dhe më pas të mos jesh plotësisht i sinqertë me të, nuk do të funksionojë kurrë.

Të kesh një burim të jashtëm llogaridhënieje është një forcë e fuqishme, nëse bëhet siç duhet. Këtu janë disa gjëra që duhen mbajtur parasysh kur krijoni një partner përgjegjshmërie:

1. Zgjidhni dikë që kujdeset për ju, e që mund të jetë i ashpër dhe i sinqertë me ju. Ata duhet të kujdesen për ju - dhe ju duhet ta dini dhe ta ndjeni atë kujdes - sepse bëheni të pambrojtur duke e bërë veten të përgjegjshëm ndaj tyre. Megjithatë, ata duhet të jenë të ashpër dhe të sinqertë. Shprehja "dashuri e ashpër" do të përshtatej siç duhet këtu. Në thelb, ata na duan aq sa të jenë të sinqertë me ne për përparimin tonë.
2. Tregojuni atyre konkretisht se cilat janë objektivat tuaja.
3. Angazhohuni të jeni të sinqertë me ta.
4. Jepuni atyre leje të thonë fjalë inkurajuese, si dhe fjalë sfiduese kur situata e kërkon.
5. Bini dakord për një kornizë kohore të arsyeshme, në të cilën ata do të vlerësojnë përparimin tuaj dhe t'ju mbajnë përgjegjës.
6. Ndiqni fjalët e tyre kur ju sfidojnë ose ju thërrasin në veprim.

Përgjegjshmëria mund të jetë një gjë e jashtëzakonshme. Ekziston një fjalë e urtë e vjetër që thotë: “Një mund të bëjë ta ndjekin njëmijë, por dy mund të bëjnë 10,000”. Kur kemi dikë që na kërkon llogari, ne sjellim të tjerë në ekipin tonë që do të na bëjnë më të fortë, të cilët do të na bëjnë të ngrihemi më lart dhe që do të bëjnë që jeta jonë të jetë shumë më e pasur, për shkak të përfshirjes së tyre.

Merrni një moment dhe mendoni me të vërtetë se kujt do t'i jepni llogari, në ndjekjen e objektivave tuaja. Tani, kthehuni këtu mësipër dhe filloni ta përpunoni këtë proces në jetën tuaj. Do të jeni jashtëzakonisht të lumtur që e keni bërë.

Vendosja e objektivave është sfidë

Lërini objektivat tuaja t'ju sfidojnë të bëheni një person unik, me dimensione të jashtëzakonshme, jo domosdoshmërisht në sytë e dikujt tjetër, por në sytë tuaj.

Nuk ka rëndësi nëse dikush mendon se jam i shkurtër apo i gjatë, por ka rëndësi nëse unë qëndroj drejt në sytë e mi – sepse i njoh disiplinat e mia, e di se çfarë po bëj, e di nëse po e bëj atë apo jo. E di që po paguaj çmimin dhe se i meritoj duartrokitjet dhe e meritoj çmimin. Kjo është ajo që është emocionuese. Kjo është arsyeja pse ky përcaktim i objektivave është kaq i rëndësishëm. Ju sfidon të rriteni. Ju sfidon të bëheni më shumë se sa jeni, të ngjiteni në nivelin tjetër. Dhe ky është çelësi.