Një nga faktorët më të rëndësishëm, në arritjen e objektivave dhe rezultateve, për një profesionist shitje dhe ndoshta faktori më i rëndësishëm nga të gjithë, është ndërtimi dhe zbatimi i Disiplinës në shitje. Në fakt, ashtu si vërejmë shpesh në konsulencat dhe trajnimet tona me individë dhe ekipe shitjesh, ky është një prej elementëve përbërës që shpesh lihet pas dore, por ende shumë i rëndësishëm nëse doni të jeni të suksesshëm. Shpesh në trajnimet tona, punonjësit e shitjes tregohen refraktarë ndaj koncepteve që theksojnë disiplinën. Është e vërtetë që në aktivitetin e tyre çdo punonjës shitje realizon shitje, por ajo që të jep disiplina nuk është thjesht një shitje, por shfrytëzimi në maksimum i mundësisë për të bërë një shitje, pra në vlerat më të larta. Anthony Iannarino, autor i shkrimit më poshtë, ka identifikuar dhjetë disiplinat më të domosdoshme që një punonjës shitje duhet të zotërojë për të qenë i suksesshëm. SUKSESE edhe juve! Lexim të këndshëm!

* * * * *

1. Mbyllja: Disiplina e mbylljes është fitimi i zotimeve. Kjo është disiplina e parë sepse angazhimet janë ato që ju lejojnë të krijoni mundësi, të krijoni vlera dhe të fitoni marrëveshje.
2. Kërkimi: Disiplina e kërkimit kërkon që ju të flisni me klientët tuaj të ëndrrave për t'i kërkuar atyre kohën e tyre dhe pastaj edhe një mundësi për të filluar të punoni së bashku. Kjo është disiplina e dytë sepse kurrë asnjë marrëveshje, nuk është krijuar ose mbyllur përpara se të hapet.
3. Zhvillimi: Disiplina e zhvillimit apo edukimit kërkon që ju të komunikoni vlera për klientët tuaj të ëndrrave gjatë një periudhe të gjatë kohe, duke e bërë veten të njohur dhe veçanërisht, duke e bërë veten të njohur si një krijues vlerash.
4. Planifikimi: Disiplina e planifikimit të takimeve të shitjeve ju lejon të përdorni kohën tuaj dhe kohën e klientit tuaj të ëndërruar në mënyrë efektive. Kjo ju lejon të planifikoni të krijoni vlera dhe ta paraqesni veten si një profesionist i vërtetë.
5. Krijimi i vlerës: Disiplina e krijimit të vlerës kërkon që ju të siguroni që klienti juaj i ëndrrave të përfitojë nga çdo angazhim me ju, përfshirë çdo ndërveprim shitjesh dhe çdo marrëveshje.
6. Kujdesi: Disiplina e kujdesit është ajo që siguron që të mos jeni të orientuar drejt vetvetes dhe të krijoni besim. Kjo ju bën të orientuar ndaj të tjerëve.
7. Integriteti: Disiplina e integritetit është gjithashtu e nevojshme për ndërtimin e besimit. Ajo është disiplina e të qenit i sinqertë dhe t’i qëndroni fjalës suaj.
8. Dëgjimi: Kjo disiplinë, e kombinuar me kujdesin, është zemra e të kuptuarit. Klientët tuaj të ëndrrave duan të dëgjohen, duan të jenë domethënës dhe duan të bashkëpunojnë. Disiplina e të dëgjuarit është se si i plotësoni ato nevoja.
9. Ndjekja pas shitjes: Disiplina e ndjekjes pas shitjes është të kryeni detyrimet që ju i keni premtuar klientëve tuaj të ëndrrave, pavarësisht sa të mëdha apo të vogla janë ato.Kjo është një nga mënyrat se si vendoset dhe mirëmbahet besimi.
10. Fitimi: Disiplina e fitimit siguron që ju të merrni mjaftueshëm para, për t'ju ofruar me sukses klientëve tuaj dhe se keni mbajtur para mënjanë, për të zhvilluar nivele më të larta të vlerës në të ardhmen.