Disiplina është të bësh atë që nuk dëshiron ta bësh, atëherë kur nuk ke dëshirë ta bësh.

Dhe nuk është aq e lehtë. Por pa disiplinë, asnjë punonjës shitje nuk do të arrijë rezultatet e kërkuara, pasi roli kërkon aktivitet të qëndrueshëm, entuziazëm dhe punë intensive, e ndoshta edhe atëherë kur punonjësi do të donte të bënte diçka tjetër. Shumë punonjës shitje kanë probleme me disiplinën, dhe këtë e dinë një pjesë e mirë e tyre. Mungesa e disiplinës, përveç rezultateve në fund të tabelës shfaqet me parregullsi, lodhje dhe mungesë produktiviteti. Anthony Iannarino, autor i shkrimit këtu, thekson dhjetë disiplina të detyrueshme, që punonjësit e shitjes i mbajnë parasysh dhe i zbatojnë me korrektësi. Urojmë që këtu të bëni pjesë edhe ju. Lexim të këndshëm!   

* * * * *

Mbyllja e shitjes: Disiplina e mbylljes së shitjes është fitimi i angazhimeve. Kjo është disiplina e parë sepse angazhimet janë ato që ju lejojnë të krijoni mundësi, të krijoni vlerë dhe të fitoni marrëveshje. Prandaj është disiplina e parë.

Zbulimi i klientit të mundshëm: Disiplina e zbulimit të klientit të mundshëm kërkon që ju të flisni me klientët tuaj të ëndrrave për të kërkuar pak nga koha e tyre dhe një mundësi për të eksploruar, duke punuar së bashku. Kjo është disiplina e dytë sepse asnjë marrëveshje nuk është krijuar apo mbyllur ndonjëherë para se të hapet.

Dhënia e informacionit: Disiplina e dhënies së informacionit në mënyrë të vazhdueshme kërkon që t'u komunikoni vlerë klientëve tuaj të ëndrrave gjatë një periudhe të gjatë, duke u dalluar nga të tjerët e duke u bërë i njohur si një krijues vlerash.

Planifikimi: Disiplina e planifikimit të takimeve të shitjes ju lejon të përdorni në mënyrë efektive si kohën tuaj ashtu edhe kohën e klientit tuaj të ëndrrave. Ajo ju lejon të planifikoni të krijoni vlerë dhe të poziciononi veten si një profesionist i vërtetë.

Krijimi i vlerës: Disiplina e krijimit të vlerës kërkon që ju të siguroheni që klienti juaj i ëndrrave të përfitojë nga çdo angazhim me ju, duke përfshirë çdo ndërveprim shitje, dhe çdo marrëveshje.

Kujdesi: Disiplina e kujdesit është ajo që siguron që të mos jeni të orientuar drejt vetes dhe të krijoni besim tek klientët. Kjo disiplinë ju bën të orientuar ndaj të tjerëve.

Integriteti: Disiplina e integritetit është nga disiplinat bazë e gjithashtu e nevojshme për ndërtimin e besimit. Është disiplina e të qenit i ndershëm dhe e mbajtjes së fjalës së dhënë.

Dëgjimi: Kjo disiplinë, e kombinuar me kujdesin, është zemra e kuptueshmërisë. Klientët tuaj të ëndrrave duan të dëgjohen, duan të jenë domethënës dhe duan të bashkëpunojnë. Disiplina e të dëgjuarit është mënyra se si i plotësoni këto nevoja.

Ndjekja pas shitjes: Disiplina e ndjekjes pas shitjes është mbajtja e angazhimeve që bëni ndaj klientëve tuaj të ëndrrave, sado të mëdha apo të vogla janë ato. Është një nga mënyrat se si krijohet dhe forcohet besimi.

Fitimi: Disiplina e fitimit siguron që ju të fitoni para të mjaftueshme duke i shërbyer me sukses klientëve tuaj dhe që ju lejojnë të hiqni mënjanë mjaftueshëm, për të zhvilluar nivele më të larta të vlerës në të ardhmen.