Pa marrë parasysh se sa të zgjuar, të talentuar e të orientuar jeni ju ose anëtarët e ekipit, suksesi do të varet nga ndërtimi dhe frymëzimi i ekipit.Dallimi në mes suksesit dhe dështimit është një ekip i madh.Natyrisht tema e ndërtimit të ekipeve të suksesshme nuk është e re dhe e patrajtuar në literaturën e biznesit, por këndvështrimi i qartë, i shkurtër dhe i thjeshtë, nga Harry Welby-Cooke (sipërmarrës, folës profesionist dhe trajner biznesi), na nxiti që t'jua paraqesim, si një material ndihmës në punën tuaj. Lexim të këndshëm!

* * * * *

Shpesh pronarët e bizneseve më pyesin se si mund t'i bëjnë punonjësit e tyre, që të punojnë së bashku dhe të shkojnë në të njëjtin drejtim. Përgjigja qëndron në atë, se duhet investuar kohë dhe energji për ndërtimin e një ekip të fortë.

Këtu janë gjashtë mënyra se si mund ta arrini këtë:

1. 1. Fokusohuni në një udhëheqje të fortë. Udhëheqja e dobët zakonisht rezulton në ekipe të dobëta. Çelësi i parë për një ekip fitues është lidershipi. Një udhëheqës i fortë që tregon integritet dhe kompetencë, që është dikush që njerëzit e besojnë, me aftësi komunikuese për t'i bindur njerëzit e tjerë që të ndjekin vizionin e tij ose të saj. Udhëheqësit e zotë frymëzojnë pronësinë në ekipet që ata ndërtojnë. Punoni në zhvillimin e besimit me punonjësit tuaj, e cila fillon me të dëgjuarit e tyre, dhe jepni prova se vendimet tuaja janë të bazuara në atë që ju besoni se është më e mira për ekipin, dhe se këto vendime përfshijnë të gjithë ata që preken nga ky vendim.
   2. Vendosni objektiva ose qëllime të përbashkëta. Ekipet fituese punojnë së bashku kur kanë një objektiv apo qëllim të përbashkët. Ju duhet t'i përgjigjeni pyetjes: "Ku po shkojmë?" për ekipin tuaj. Një ekip fitues duhet të ketë një qëllim të qartë dhe një plan veprimi për ta arritur atë. Objektivat apo qëllimet e mëdha janë SMART - Specifike, të Matshme, të Arritshme, të orientuar nëRezultat dhe Të përcaktuar në kohë. Megjithatë objektivat SMART nuk janë të mjaftueshëm për t'i bërë ekipet që të fokusohen, nëse ato janë objektiva të zakonshëm. Është e nevojshme që ato, përveç të tjerave, të sigurojnë përmirësime në performancën dhe shpirtin e ekipit.
   3. Shpjegoni rregullat. Mendoni pak: a mund të përpiqeni të fitoni një lojë shahu, nëse nuk i kuptoni rregullat? Është normale që ju duhet të kuptoni rolin e secilës figurë, dhe se si ato ndërveprojnë së bashku, për të ndërtuar një strategji të mirë shahu. Por shpesh, pronarët e bizneseve nuk i shpjegojnë rregullat për ekipet e tyre. Kjo i bën punonjësit të mërzitur, të hutuar apo apatikë, sepse pritshmëritë janë të paqarta. A i dinë punonjësit vlerat thelbësore të kompanisë tuaj? A keni investuar kohë në përcaktimin e vlerave themelore dhe në komunikimin e kulturës së kompanisë për çdo anëtar të ekipit? Ju nuk mund të punoni për një qëllim të përbashkët, nëse nuk keni përcaktuar fushën e lojës. Natyrisht, askush nuk i pëlqen rregullat, por nëse ju i shpjegoni ato, ato përgjithësisht marrin kuptim. Ju duhet të shpjegoni funksionimin e rregullave. Ato nuk duhen vetëm për të kontrolluar dhe kapur në gabime punonjësit, por kryesisht, për të përcaktuar qartë strukturën dhe mënyrën për të fituar.
   4. Zhvilloni një plan veprimi. Ide të mëdha, vizioni frymëzues, dhe madje, edhe punonjësit e lumtur nuk prodhojnë automatikisht rezultate. Rezultatet vijnë nga marrja e masave. Plani i veprimit ka tre përbërës të thjeshtë - KUSH bën, ÇFARË bën, KUR e bën. Organizoni planin tuaj me hapa logjike, dhe delegoni çdo hap tek anëtari i duhur i ekipit. Caktoni llogaridhënien dhe afatet, dhe jeni gati për të ecur përpara. Mbylleni çdo takim me një plan veprimi - të flasësh pa vepruar është jo-produktive.
   5. Mbështesni marrjen përsipër të rrezikut. Për sa kohë që keni përcaktuar rregullat e lojës, ekipi duhet të inkurajohet për të provuar teknika apo mënyra të reja, brenda kufijve të përcaktuar. Progresi është arritur duke provuar gjëra të reja, edhe nëse kjo do të thotë ndonjë dështim përgjatë rrugës. Mbani parasysh thënien e Thomas Edison: "Unë nuk kam dështuar. Unë vetëm kam gjetur 10.000 mënyra që nuk funksionojnë". Nëse Edison nuk do të kishte vazhduar përpjekjet, për shkak të dështimeve të tij, ne mund të ishim ende në errësirë. Që njerëzit të maksimizojnë potencialin e tyre, duhet të lejohen të provojnë gjëra të reja dhe të bëjnë edhe gabime. Ekipet fituese janë të gatshëm të tendosin kufijtë e tyre. Frika nga gabimet dhe dështimi duhet të mos ekzistojë. Ju duhet të mësoni që të mirëprisni zgjidhje të shumta për sfidat dhe të inkurajoni të menduarit ndryshe. Kur ju dhe ekipi juaj të filloni të përqafoni rrezikun, ju do të shpërbleheni me sinergji në ekipin dhe biznesin tuaj. Natyrisht, marrja përsipër e rrezikut funksionon vetëm atëherë ju keni një udhëheqje të fuqishme, qëllime të përbashkëta dhe rregulla të qarta.
   6. Vini në lëvizje dhe përfshini të gjithë anëtarët e ekipit tuaj. Ekipet fituese krijohen kur çdo njeri e di se është i pranuar nga ekipi, dhe çdo anëtar zgjidhet për të marrë pjesë 100%. Ju duhet të mbani rolin udhëheqës dhe të kërkoni angazhim të plotë nga anëtarët e ekipit. Disa mund të kenë nevojë të ndryshojnë rrënjësisht ose të largohen. Ndoshta kjo mund të tingëllojë ashpër, por (nëse një anëtar i ekipit nuk mund të angazhohet 100%) është në të mirë dhe në interesin e ekipit dhe biznesit tuaj, dhe ndoshta edhe për personin në fjalë, që të largohet.