Fundi i Vitit! Po, sot jemi në 16 Dhjetor, e ndërsa rritet presioni i ditëve të fundvitit, për arritjen e numrave të këtij viti, një pjesë e vëmendjes kalon në objektivat e vitit të ardhshëm dhe sidomos në organizimin e Takimit Vjetor të Shitjeve. Duke e konsideruar si një element të rëndësishëm për prezantimin e objektivave, për ju menaxherët e shitjeve, është gjithashtu një shans për të vendosur ritmin, për të komunikuar strategjinë e për të vendosur përparësitë, për vitin e ardhshëm me ekipin tuaj të shitjeve. Për një takim mbeslënës dhe frytdhënës, merrni disa ide origjinale nga Jeffrey Gitomer – Mbreti i Shitjeve, në artikullin më poshtë. Nëse do të jeni të kujdesshëm në zbatimin e tyre, shanset janë që t’i bëni punonjësit tuaj të shitjes më entuziastë e më të angazhuar, për të arritur objektivat e tyre, në Vitin e Ri. SUKSESE e Lexim të këndshëm!

* * * * *

Mblidhni gjithë punonjësit e shitjes dhe shumë fanfara, së bashku. Luani pak golf dhe planifikoni për vitin e ardhshëm. Tingëllon mjaft e thjeshtë, apo jo? Aq e thjeshtë është, sa diçka më shumë se 75% e takimeve vjetore që zhvillohen, janë humbje totale parash dhe përpjekjesh. Pse? Katër fjalë: Planifikim i dobët, Buxhet i pamjaftueshëm.

Një takim vjetor është i domosdoshëm për suksesin dhe performancën e shitjeve të vitit të ardhshëm. Ai është mundësia e vetme, që të gjithë të njihen me performancën e periudhës së kaluar, dhe, për të frymëzuar arritjet, për dymbëdhjetë muajt e ardhshëm. Është gjithashtu një përpjekje e shtrenjtë.

Për t'i bërë këto takime të suksesshme kërkohet shumë punë, disa muaj përpara se të zhvillohet takimi. 

Po planifikoni takimin tuaj? Si do të përfitoni sa më shumë prej tij?

Këtu janë disa ide dhe sfida për t'ju bërë ta rimendoni procesin. (Shënim: Nëse jeni pjesë e ekipit të shitjeve dhe ju "nuk jeni përgjegjës" për takimin, ju lutem dërgojeni këtë artikull tek personat përgjegjës).

Para-planifikoni. Zgjidhni një mjedis për argëtim dhe mësim të qetë. Një vendpushim me mundësi sportive dhe salla të këndshme takimesh.

Para-pyesni pjesëmarrësit. Pyetini ata për problemet dhe nevojat, në lidhje me pikat e forta dhe zhgënjimet, për veten dhe objektivat e tyre. Përdorni pyetësorë, për të personalizuar pjesën e trajnimit të takimit.

Para-buxhetoni. Për një vend të bukur. Për transportin. Për shumë qejf. Për ushqim të shkëlqyer. Për një folës ose trainer të klasit të parë. Për shpërblime. Dhe për më shumë argëtim.

Filloni me zhurmë. Bëni argëtim në grup, si fillim. Për shembull, një lojë golfi. Ose një darkë të madhe. Tregoni fotografitë e vitit të kaluar. Bëni një festë Karaoke (mënyra më e mirë për t'i bërë të gjithë të njihen me të tjerët).

Një ceremoni mirëseardhje. Një pritje e shkurtër dhe e ëmbël nga Drejtori i Përgjithshëm, në mbledhjen e parë zyrtare, për 10 minuta. Tregoni disa histori personale për karrierën. Një falënderim personal për punën e palodhur të grupit.

Rishikoni fitoret. Fitoret e vitit të kaluar. Përsërisni disa histori (të shkurtra) të triumfeve më të mëdhaja. Zhyti në sukses për pak kohë. Përpiji me sy.

Vendosni në qendër të vëmendjes një ose dy persona. Ftoji ata t’i tregojnë grupit se si e realizuan një shitje të madhe, si ruajtën një marrëveshje ose përdorën një teknikë të re.

Falenderoni ekipin. Falenderoni (dhe duartrokisni) njerëzit që bënë të mundur që kjo të ndodhë. Njerëzit i duan duartrokitjet.

Shpërbleni më të mirët. Nga CEO dhe Menaxheri i shitjeve. Përgatisni pllakata, trofe dhe çmime të një cilësie të lartë. Në disa kategori, kështu që të mund të ketë sa më shumë fitues. Për shitjen më të lartë. Për numrin më të lartë të klientëve të rinj. Për vëllimin më të lartë. Për humbjen e sa më pak klientëve. Për punonjësit më të përmirësuar. Për kthimet ose anulimet më të pakta.

Planifikoni së bashku. Viti tjetër është në fokus të takimit. Bëni që ekipi i shitjeve të jetë pjesë e planit. Mos u jepni atyre vetëm planin për vitin e ardhshëm. Lëreni ekipin e shitjeve të ndihmojë. Bëni që ekipi juaj i shitjeve të marrë pronësinë e objektivave të shitjes, e kjo është e mundur vetëm kur ata marrin pjesë në proces.

Vendosni Objektiva për gjithçka. Lëreni çdo anëtar të ekipit të pajtohet me objektivat personale dhe të krijojë një plan veprimi personal, për t'i arritur ato. Krijoni numrat ditorë, javorë dhe mujorë. Jo vetëm numrat vjetorë, por edhe se si duhet vepruar, për të arritur deri në fund. Sa kërkime duhen bërë për të realizuar një takim, sa takime duhen bërë, për të arritur një shitje. Objektivi nuk duhet të jetë thjesht një numër përfundimtar. Duhet të ketë objektiva edhe për kërkime dhe takime.

Trajnoni profesionalisht. Punësoni një profesionist të jashtëm për të trajnuar grupin. Planifikoni që trajnimi të jetë një botë frymëzuese dhe reale. Përdorni pyetësorin paraprak, për të përcaktuar rendin e ditës dhe personalizimin e trajnimit. Duhet të ketë libra pune, diskutime, luajtje rolesh dhe regjistrime video. Trajnimi duhet të jetë një kombinim i frymëzimit dhe motivimit me situatat dhe përgjigjet aktuale të shitjes. Trajnimi duhet të jetë, së paku, 50% e kohës së takimit. Çdo pjesëmarrës duhet të mbushet me energji dhe të fuqizohet për të arritur objektivat e tij, për vitin e ri. ÇDO person duhet të marrë pjesë në trajnim, duke filluar nga CEO e poshtë (përveç atyre që tashmë, dinë gjithçka). Taktika e suksesit: Filozofia e menaxhmentit mbi shitjet, mund të përqafohet dhe përforcohet nga traineri, si palë e tretë (dhe ekspert), duke miratuar praktikat e kompanisë.

Hani si mbretër. Duhet të keni ushqimin më të mirë, që paratë mund të blejnë. Njerëzit do të kujtojnë cilësinë e takimit nga cilësia e argëtimit, trajnimit dhe ushqimit. Kryesisht ushqimit.

Ndërtoni marrëdhënie. Planifikoni "kohë të lirë" që njerëzit të njihen me njëri-tjetrin.

Krijoni lidhje. Punonjësit e shitjes përballen personalisht me problemet, por mund t'i zgjidhin ato së bashku (me ndihmën e një drejtuesi profesionist). Planifikoni kohë për trajtimin e problemeve, në takime joformale dhe gjatë kohës së shoqërizimit.

Taktika të tjera të suksesshme:

• Bëni shumë foto
• Video Karaoke
• Bëjini fjalimet e shkurtra, argëtuese dhe edukative.
• Shpërndani si përkujtim këmisha, bluza, kapele (cilësore), çmime vlerësuese, për të gjithë.
• Zbatoni rendin e ditës.

CEO lëshon një thirrje përfundimtare. Një mesazh frymëzues, të përgatitur (e të memorizuar) prej dhjetë minutash, që do ta bëjë ekipin të flasë (dhe të arrijë) objektivat e vitit të ardhshëm.

Dëshironi rezultate të klasit të parë, nga takimi juaj vjetor i shitjeve? 

Bëni një takim të klasit të parë.